स्वतन्त्र उर्जा उत्पादकहरुको संस्था, नेपाल (इप्पान)को निर्वाचन जेठ ३२ गते हुने भएको छ । इप्पानको निर्वाचन समितिले सुचना निकाल्दै निर्वाचन मिति र निर्वाचन तालिका सार्वजनिक गरेको हो ।
मतदाता नामावली प्रकाशन, नामावलीमा दावी विरोध, दावी विरोध उपर छानविन जेठ २९ गते हुने निर्वाचन समितिले जनाएको छ । जेठ ३० गते उम्मेदवारहरुको मनोनयनपत्र दर्ता, नामावली प्रकाशन, दावी विरोध र दावी विरोधको छानविन एकै दिन हुँने निर्वाचन समितिले जनाएको छ ।

उम्मेदवारको मनोनयन फिर्ता जेठ ३० गते बेलुका ५ बजेदेखि जेठ ३१ गते दिउसो ३ बजेसम्म हुने छ । अन्तिम नामावली प्रकाशन जेठ ३१ गते दिउँसो ४ बजे सर्वाजनिक हुनेछन् । जेठ ३२ गते साधारण सभाको वन्दसत्र पछि मतदान हुने छ । मतगणना र नतिजा प्रकाशन निर्वाचन पछि क्रमिक रुपमा हुने समितिले जाएको छ ।

निर्वाचन हेरिटेज प्लाजा कमलादीमा हुने छ । साधरण सभा र निर्वाचन बाहेकका अन्य सम्पुर्ण क्रियाकलाप इप्पानको कार्यलयबाट हुने समितिले जनाएको छ ।

प्रकाशित समय : १६:०७ बजे