भारतको चारदिने औपचारिक भ्रमणमा रहेका प्रधानमन्त्री पुष्पकमल दाहाल प्रचण्ड आज शुक्रबार उज्जैन जाने भएका छन् ।

बिहान ११ बजे उज्जैनस्थित महाकालेश्वर मन्दिर पुग्ने जानकारी दिइएको छ ।
प्रधानमन्त्रीले १२ ज्योतिर्लिंगमध्ये एक मानिने सो महाकालेश्वर मन्दिरमा पूजाअर्चना गर्दैछन् ।

काठमाडौंबाट लगिएको १०८ किलो विशिष्ट प्रकारको रुद्राक्षले महाकालेश्वरको पूजाअर्चना गर्ने कार्यक्रम रहेको जनाइएको छ ।

नेपालका प्रधानमन्त्रीको ‘अतिविशिष्ट प्रोटोकल’का कारण महाकाल मन्दिर दर्शनसम्बन्धी व्यवस्थामा परिवर्तन गरी ६ घन्टासम्म सर्वसाधारणलाई पूजाअर्चनामा रोक लगाइएको छ ।

यसक्रममा शुक्रबार बिहान ६ बजेदेखि मध्याह्न १२ बजेसम्म मन्दिरको गर्भगृहमा भक्तजनहरूलाई प्रवेश निषेध गरिएको हो । सो अवधिभित्र मन्दिरका पण्डा र पुजारी मात्र गर्भगृहसम्म जान सक्ने गरी सुरक्षा व्यवस्था कडा पारिएको जनाइएको छ ।

प्रकाशित समय : ०७:४८ बजे