राष्ट्रिय सभा सदस्य वामदेव गौतमले सरकारले संविधानसम्मत प्रस्तुत गरेको नीति तथा कार्यक्रमलाई खारेज गर्ने र अर्को नीति तथा कार्यक्रम ल्याउने माग गर्नु उचित नभएको बताएका छन् । सरकारको आगामी आर्थिको वर्षको नीति तथा कार्यक्रममाथि राष्ट्रिय सभाको आजको छलफलमा गौतमले प्रस्तुत नीति तथा कार्यक्रमलाई नै अगाडि बढाउनुपर्ने बताएका हुन् ।

प्रस्तुत वार्षिक नीति तथा कार्यक्रममाथि छलफलमा भाग लिँदै एमालेका अध्यक्ष केपी शर्मा ओलीले नीति तथा कार्यक्रमको पुनर्लेखन गरी ल्याउनुपर्ने बताएका थिए । साथै संघीय संसद्का दुवै सदनमा एमालेका सांसदहरूले नीति तथा कार्यक्रम पुनर्लेखन गरी प्रस्तुत गर्नुपर्ने माग गरिरहेका छन् ।

राष्ट्रिय सभा बैठकमा गौतमले भने संवैधानिक रुपमा नीति, कार्यक्रम प्रस्तुत गर्ने अधिकार तात्कालिक सरकारलाई नै हुने भएकाले पुनर्लेखनको माग जायज नरहेको बताए । नीति तथा कार्यक्रममा एक वर्षभित्र सम्पन्न हुने र ५ वर्षसम्मै लैजान सकिने योजनाहरू अघि सारिएको उल्लेख गरेका थिए ।

प्रकाशित समय : १८:३७ बजे