कर्णाली प्रदेश विद्यायन तथा प्रदेश मामिला समितिले कोरोना नियन्त्रणका लागि भएको खर्चको विवरण माग गरेको छ ।

कर्णाली प्रदेशमा कोरोना रोकथाम तथा नियन्त्रणका लागि स्थापना भएको उच्च स्तरीय प्रदेश विपत् व्यवस्थापन कोषबाट हालसम्म भएको खर्चको विवरण माग गरिएको हो ।

शानिबार बसेको समितिको बैठकले उक्त कोषमार्फत् भएको खर्च र विधायन समिति मातहतका मन्त्रालयहरुले गरेको खर्चको विवरण माग गर्ने निर्णय गरेको समितिका अध्यक्ष पदमबहादुर रोकायले जानकारी दिए । उनका अनुसार धेरै दाताहरुले उक्त कोषमा सहयोग प्रदान गरेको र खर्च पारदर्शि हुनुपर्ने कुरा उठेको कारण खर्चको विवरण माग गर्ने निर्णय गरिएको हो ।

त्यस्तै समितिको बैठकले प्रदेश लोकसेवा आयोग ऐन, २०७५ लाई पहिलो संशोधन गर्न बनेको विधेयक २०७६ मा परेको संशोधन सहितको समितिको प्रतिवेदन तयारी गरी सभामा पेश गर्ने निर्णय गरेको छ ।

प्रकाशित समय : १९:२१ बजे