नेपालले आउँदो चार वर्षका लागि एकदिवसीय मान्यता कायम राखेको छ । आइसीसी क्रिकेट विश्वकप लिग-२ को अन्तिम त्रिदेशीय श्रृंखलाअन्तर्गत आइतबार युनाइटेड अरब इमिरेट्स (यूएई)विरुद्ध कीर्तिमानी जित निकालेपछि नेपालकाे एकदिवसीय मान्यता जाेगिएकाे हाे ।

कीर्तिपुरस्थित त्रिवि क्रिकेट मैदानमा भएको श्रृंखलाको आफ्नो दोस्रो खेलमा नेपालले यूएईलाई १७७ रनले पराजित गर्‍यो । यूएई विरुद्धको जित एकदिवसीय अन्तर्राष्ट्रिय क्रिकेटमा नेपालको अहिलेसम्मकै फराकिलो जित हो । नेपालले यसअघि सन् २०२१ मा पपुवा न्युगिनी (पीएनजी)लाई १५१ रनले हराएको थियो ।

आइतबार नेपालले प्रस्तुत गरेको २४९ रनको लक्ष्य पछ्याउने क्रममा यूएई २२.५ ओभरमा ७१ रनमै समेटियो । त्यसअघि, कप्तान रोहितकुमार पौडेलले अर्धशतक बनाएपछि टस जितेर ब्याटिङमा उत्रिएको नेपालले ४९.२ सबै विकेट गुमाएर २४८ रन बनाएको थियो ।

प्रकाशित समय : १५:३६ बजे