मोरङको कटहरीमा जनता आवास कार्यक्रमअन्तर्गत १५ घर निर्माण गरिने भएको छ । निर्वाचन क्षेत्र विकास कार्यक्रमअन्तर्गतको १५ लाख रूपैयाँ र जीवन विकास संस्थासँग सहकार्य गरेर घर निर्माण गर्न लागिएको हो ।

प्रदेश नं १ का सामाजिक विकासमन्त्री जीवन घिमिरेले कटहरी–२ कदमगाछीमा निर्माण गरिने घरको बुुधबार शिलान्यास गरे । मन्त्री घिमिरेले चालू आर्थिक वर्षमा सुरु भएको यस कार्य आगामी आर्थिक वर्षभित्र सकिने बताए ।

कटहरी गाउँपालिकाका अध्यक्ष रामकुमार कामत र उपाध्यक्ष मञ्जिता सरदारले घरवारविहीनलाई आवासबाट बसोबासमा सहज हुने भन्दै सन्तोष व्यक्त गरे ।

प्रकाशित समय : १२:४१ बजे