नेपालमा कोरोना संक्रमणबाट मृत्यु हुनेको संख्या १० पुगेको छ । दुई दिनअघि पाल्पामा मृत्यु भएका ४५ वर्षीय पुरुषको कोरोना रिपोर्ट पोजेटिभ आएको स्वास्थ्य तथा जनसंख्या मन्त्रालयले पुष्टि गरेको छ ।

मन्त्रालयका प्रवक्ता डा. विकास देवकोटाका अनुसार उपचारका क्रममा दुई दिनअघि पाल्पाको मिसन अस्पतालमा मृत्यु भएका पुरुषको स्वाब परीक्षण गर्दा कोरोना संक्रमण पुष्टि भएको हो । मृत्युपछि उनको स्वाब नमूना परीक्षणका लागि भैरहवास्थित प्रदेश जनस्वास्थ्य प्रयोगशालामा पठाइएको थियो ।

उनी पाँच दिनअघि भारतबाट घर आएका थिए । उनी क्वारेन्टीनमा रहँदा स्वास प्रश्वासको समस्या भएपछि उपचारका लागि मिसन अस्पताल भर्ना गरिएको थियो । उनी पूर्वखोला गाउँपालिकाका हुन् ।

प्रकाशित समय : २३:५८ बजे