काठमाडौंमा १४ वर्षीया बालिकालाई जबरजस्ती करणी गरेको अभियोगमा एक युवक पक्राउ परेका छन् ।

धादिङ सिद्धलेख गाउँपालिका-२, पात्ले घर भई हाल काठमाडौँ महानगरपालिका-१५ भगवानपाउ बस्ने २० वर्षीय सुमन गिरीलाई शुक्रबार राति प्रहरीले पक्राउ गरेको हो । गिरीले ती बालिकालाई ललाईफकाई काठमाडौं महानगरपालिका-१५, स्वयम्भू स्तुपा जंगलमा जबरजस्ती करणी गरेको आराेप छ ।

घटनाबारे खबर प्राप्त हुनासाथ प्रहरी वृत्त स्वयम्भूबाट खटिएको प्रहरीले उनलाई पक्राउ गरेको थियो । यस सम्बन्धमा प्रहरीले थप अनुसन्धान गरिरहेको छ ।

प्रकाशित समय : १६:१७ बजे