साताको दोस्रो कारोबार दिन सोमबार नेप्सेमा सामान्य गिरावट आएको छ । आज नेप्से परिसूचक ६.४३ अंकले घटेर १९५८.९४ बिन्दुमा पुगेर बन्द भएको छ ।

नेप्से आइतबार ४३ अंकले बढकाे थियाे । त्यस दिन १ अर्ब ५४ करोड ८० लाख रुपैयाँ बराबरको कारोबार भएको थियाे । आज कारोबार रकममा भने वृद्धि भएको छ । आज २२४ वटा कम्पनीकाे ४९ लाख ४४ हजार ७६ कित्ता सेयर किनबेच हुँदा २ अर्ब १० करोड ९१ लाख रुपैयाँकाे काराेबार भएकाे छ ।

आज कारोबारमा आएका १३ वटा समूहगत परिसूचकमध्ये ५ वटा समूहको परिसूचक बढेको छ भने बाँकी ८ समूहको परिसूचक घटेको छ । म्युचुअल फण्ड समूहको परिसूचक सर्वाधिक १.०६ प्रतिशतले बढेको छ भने विकास बैंक समूहको परिसूचक सर्वाधिक १.१२ प्रतिशतले घटेको हो ।

सोमबार धैलागिरी लघुवित्तको सेयर मूल्य सर्वाधिक वृद्धि भएको छ । उक्त कम्पनीको सेयरमूल्य ८.१३ प्रतिशतले वृद्धि भएर प्रतिकित्ता मूल्य १९८ रुपैयाँ १० पैसामा बन्द भएको छ । सेयर मूल्य सर्वाधिक घट्नेमा ग्लोबल आइएमई लघुवित्त रहेको छ । उक्त कम्पनीको सेयर मूल्य ५.७० प्रतिशतले घटेर प्रति कित्ता मूल्य एक हजार २०७ रुपैयाँमा झरेको छ ।