धरानको प्यास मेटाउन खानेपानीलाई चुनावी वाचा बनाएर निर्वाचन जितेका हर्क साम्पाङ आफ्नो योजनामा सफल भएका छन् ।

धरान बजारमै पानी आएपछि स्थानीयहरुले मेयर साम्पाङसँगै खुशीयाली मनाएका छन् ।

उनले स्थानीय तह निर्वाचनको बेला धरानमा पानीको समस्या समाधान गर्ने वाचा गरेका थिए । मेयर निर्वाचित भएलगत्तै उक्त वाचा पूरा गर्न कस्सिएका साम्पाङले अन्ततः खर्दु र निशाने खोलाको पानी ल्याउन सफल भए ।

उनले धरान ल्याइएको पानीको फोहोराको भिडियो सामाजिक सन्जालमा पोष्ट गर्दै खुसी साटेका छन् । ‘खर्दु र निशानेलाई मात्रै जोडेका छौं, सर्दु जोड्न बाँकी छ’, उक्त भिडियोसँगै उनले लेखेका छन्, सर्दुसँग त झन् ठूलो आउने छ फोहोरा ।’

उक्त भिडियोमा मेयर साम्पाङसहित धरानवासी पानीको फोहोरामा भिज्दै गरेको देखिन्छ ।

प्रकाशित समय : ०९:४७ बजे