सिनामंगलस्थित पुरानो घर थिएटरमा नाटक ‘एन इन्स्पेक्टर कल्स’ मञ्चन हुने भएको छ । आगामी भदौ १७ गतेदेखि साे नाटक मञ्चन हुन लागेको हो ।

डिटेक्टिभ जनरामा आधारित ‘एन इन्स्पेक्टर कल्स’ जेबी प्रिस्टलीद्वारा सन् १९४५ मा प्रकाशित नाटक हो । सन् १९१२ को ब्रिटिश समुदायको सेटिङ बनाएर लेखिएको यो नाटकलाई नेपालीमा अनुवाद गरिएको हो ।

नाटकलाई राजकमल फकिरले अनुवाद र निर्देशन गरेका छन् । यस नाटकमा आभास अधिकारी, विजय ताम्रकार, शारदा अधिकारी, सरिता भुजेल, सदीन लुइँटेल र शिशिर सिवाकोटी, मोनिका थापा लगायतले अभिनय गरेका छन् ।

भदौ १७ गतेदेखि असोज ९ गतेसम्म मंगलबारबाहेक हरेक दिन साँझ ५:३० बजे नाटक मञ्चन हुनेछ । शनिबार अतिरिक्त शो १:३० मा हुने थिएटरले जनाएकाे छ ।

प्रकाशित समय : १४:१८ बजे