महिला बालबालिका तथा जेष्ठ नागरिक मन्त्री उमा रेग्मीको प्रमुख आतिथ्यमा नेपाल प्रहरी प्रधान कार्यालयमा शनिबार आयोजित विशेष समारोहमा नेपाल प्रहरी श्रीमती संघको ३८औं वार्षिकोत्सव कार्यक्रम सम्पन्न भएको छ ।

मन्त्री रेग्मीले पानसमा दिप प्रज्वलन गरी उद्‍घाटन गर्दै उक्त कार्यक्रममा उनले संघबाट प्रकाशित वार्षिक स्मारिका सहचरीको विमोचनसमेत गरिन् । उक्त अवसरमा मन्त्री रेग्मीले संघलाई निरन्तररूपमा सहकार्य गरी विभिन्न समाजसेवामूलक कार्यमा उल्लेखनीय सहयोग पुर्याउनेलाई सम्मानसमेत गरेकी थिइन् ।

यस्तै, राष्ट्रिय निजी तथा आवासीय विद्यालय एशोसियसन नेपालका अध्यक्ष पाण्डव हमाल र सहअध्यक्ष सुवास न्यौपाने, चितवन मेडिकल कलेज भरतपुर चितवनका सिइओ प्रताप देवकोटा, कलेज अफ मेडिकल साइन्स भरतपुरका डा. सुदिप राज केसी, एभरेष्ट कलेज, प्रिमियर कलेज, कोलम्बस कलेज, काठमाडौं नेशनल कलेज र वेदाज कलेजका संचालक विष्णुहरी पाण्डे तथा लर्ड बुद्ध एकेडेमी फाउन्डेसनका संचालक पंकज जलानलाई प्रशंसापत्र प्रदान गरिन् ।

प्रकाशित समय : १०:४२ बजे