नागरिक लगानी कोषको खुद नाफा १४.२९ प्रतिशतले वृद्धि भएको छ । गत आर्थिक वर्षको चौथो त्रैमासको अन्त्यसम्ममा लगानी कोषले ८८ करोड ७८ लाख ६ हजार रुपैयाँ खुद नाफा कमाएको छ । अघिल्लो वर्ष ७७ करोड ६८ लाख १६ हजार रुपैयाँ खुद नाफा कमाएको थियो ।

यस्तै, ब्याज आम्दानी १६ करोड ३३ लाख रुपैयाँबाट बढेर २२ करोड ५० लाख रुपैयाँ पुगेको छ । हाल नागरिक लगानी कोषको सेयर पुँजीमा ३ अर्ब २७ करोड रुपैयाँ रहेको छ ।

त्यसैगरी, असार मसान्तसम्म आइपुग्दा नागरिक लगानी कोषको प्रतिसेयर आम्दानी ३ रुपैयाँ ३९ पैसाले बढेर वार्षिक १५ रुपैयाँ पुगेको छ भने यसको प्रतिसेयर नेटवर्थ पनि २११ रुपैयाँ ५० पैसाबाट बढेर २३८ रुपैयाँ ६५ पैसा कायम भएको छ ।

प्रकाशित समय : १५:२३ बजे