बेलायत पठाईदिन्छु भन्दै नगद १५ लाख रुपैयाँ ठगी गरेको अभियोगमा प्रहरीले एक जनालाई पक्राउ गरेकाे छ । काठमाडौं महानगरपालिका-२९ सामाखुसी बस्ने ईलामकाे ईलाम नगरपालिका-१ नारायणटार घर भएका ३७ वर्षीय प्रकाश राईलाई आइतबार दिउँसो प्रहरीले पक्राउ परेका हुन् ।

राईले ५ जनालाई सिजनल भिषामा बेलायत जानको लागि प्रतिव्यक्ति नगद ९ लाख रुपैयाँ लाग्ने र बेलायत पुगेपछि ‘प्रतिष्ठित एग्रिकल्चर कम्पनीमा काम लगाइदिन्छु, मासिक नगद ४ लाख रुपैयाँसम्म तलव हुन्छ’ भनी विश्वास दिलाई प्रलोभनमा पारेका थिए । उनीहरूबाट प्रतिव्यक्ति ३ लाख गरी जम्मा १५ लाख रुपैयाँ लिई ठगी गरी सम्पर्क बिहिन भएका उनलाई काठमाडौं उपत्यका अपराध अनुसन्धान कार्यालयबाट खटिएको प्रहरीले सिनामंगलबाट पक्राउ गरेको हो ।

उनलाई थप अनुसन्धान तथा कारवाहीको लागि वैदेशिक रोजगार विभाग बुद्धनगर, काठमाडौं पठाइएको छ प्रहरीले जनाएकाे छ ।

प्रकाशित समय : १९:३२ बजे