गृहपृष्ठ बाबुरामको नयाँ पार्टी आयोगमा दर्ता
बाबुरामको नयाँ पार्टी आयोगमा दर्ता
पूर्वप्रधानमन्त्री डा. बाबुराम भट्टराईले ‘नेपाल समाजवादी पार्टी’ निर्वाचन आयोगमा दर्ता गराएका छन् । जनता समाजवादी पार्टीबाट अलग भएका भट्टराईले बिहीबार नयाँ पार्टी दर्ता गरेका हुन् ।
दर्ता भएको पार्टीको चुनाव चिन्ह खुलेको आँखा रहेको छ । भट्टराईले २०७४ सालको प्रतिनिधि सभा सदस्य निर्वाचनमा गोरखा क्षेत्र नम्बर २ मा तत्कालीन नयाँ शक्तिबाट आँखा चुनाव चिन्हबाटै जितेका थिए ।
जसपामा विवाद भएपछि पछिल्लो समय उपेन्द्र यादव र भट्टराई सौहार्दपूर्ण वातावरणमा अलग हुने सहमति गरेका थिए । २०७२ सालमा संविधान जारी भएपछि माओवादी परित्याग गरेका भट्टराईको नेपाल समाजवादी पार्टी तेस्रो हो। उनी नयाँ शक्ति, जसपा हुँदै समाजवादीमा आइपुगेका हुन् ।
प्रकाशित समय : १८:४० बजे