गृहपृष्ठ अर्थमन्त्री प्रकरण : सीसीटीभी फुटेज बुझिएन, फरेन्सिक प्राविधिकसँग छलफल गर्दै समिति
अर्थमन्त्री प्रकरण : सीसीटीभी फुटेज बुझिएन, फरेन्सिक प्राविधिकसँग छलफल गर्दै समिति
जेठ १४ गते रातिको अर्थमन्त्रालयको सीसीटीभी फुटेज रिकभर भएको छ । नेपाल प्रहरीकोे फरेन्सिक ल्याबले सीसीटीभी फुटेज रिकभर गरेर पूर्वअर्थमन्त्री जनार्दन शर्मामाथि छानबिन गर्न गठित समितिलाई बुझाइसकेकाे छ ।
समितिले मंगलबार फरेन्सिक ल्याबको रिपोर्ट खोलेको थियो । तर, फुटेजमा पनि कुनै पनि भिडियो स्पष्ट नरहेको समितिका एक सदस्यले जानकारी दिए । ‘रिपोर्टमा साे फुटेज अर्थमन्त्रालयको जेठ १४ गतेकै हाे भनिएकाे छ । हामीले हेर्याैं तर फुटेजबाट मान्छे चिन्न सकिएन,’ ती सदस्यकाे भनाइ छ । फुटेज नबुझेपछि समितिले आजै दिउँसो फरेन्सिक ल्याबका प्राविधिकसँग छलफल गर्ने भएका छन् ।
तत्कालीन अर्थमन्त्री शर्माले २०७९/८० को बजेट बनाउने क्रममा मध्यराति अर्थमन्त्रालयमा अनधिकृत व्यक्ति बोलाएर करका दर हेरफेर गरेको आरोप लागेकाे छ । साे आरोपपछि उनले असार २२ गते पदबाट राजीनामा दिएका थिए ।
प्रकाशित समय : १४:५४ बजे
