सत्तारुढ नेकपा (माओवादी केन्द्र) सम्बद्ध नेपाल राष्ट्रिय कर्मचारी महासंघको अध्यक्षमा मणिरत्न श्रेष्ठ चयन भएका छन् । राजधानीमा शनिबारदेखि जारी केन्द्रीय समितिको बैठकले श्रेष्ठलाई अध्यक्षमा चयन गरेको हो । यस्तै महासचिवमा प्रेम खनाल चयन भएका छन् ।

महासंघले आगामी माघमा राष्ट्रिय सम्मेलन गर्ने निर्णय गरेको छ । महासंघको कुल १५५ सदस्यीय केन्द्रीय समिति रहेको छ । स्थानीय र प्रदेश समिति पनि छिट्टै चयन गर्ने महासंघले जनाएको छ ।

आज बिहान मात्रै माओवादीका अध्यक्ष पुष्पकमल दाहाल ‘प्रचण्ड’ केन्द्रीय समितिको बैठकलाई सम्बोधन गर्दै कर्मचारीलाई देश र जनताको हितमा काम गर्न निर्देशन दिएका थिए । उाले संघीय निजामती विधेयक पारित हुन नदिन निजामती कर्मचारीभित्रैको उच्च नेतृत्व लागिपरेकाले त्यसकाविरुद्ध संघर्ष गर्न आग्रह गरेका थिए ।

महासंघका फ्याक्सन इञ्चार्जसमेत रहेकी ऊर्जा जलस्रोत तथा सिंचाइमन्त्री पम्फा भुसालले  देश र जनताको हित र भलो चिताइ आफ्नो भूमिका इमान्दार भएर निर्वाह गर्न कर्मचारीलाई निर्देशन दिइन् । देशभरका कर्मचारीको ट्रेड युनियनमध्ये महासंघ पनि एक हो । 

प्रकाशित समय : २३:२८ बजे