जनरल इन्स्योरेन्स कम्पनी नेपाल लिमिटेडको चौथौ वार्षिक साधारण सभा सम्पन्न भएको छ । अमृतभोग कालिकास्थान, काठमाडौंमा सम्पन्न सभामा सञ्चालक समितिको तर्फबाट कम्पनीका अध्यक्ष कुनाल कयालले आर्थिक बर्ष २०७७/७८ को वार्षिक प्रतिवेदन पेश गरेका थिए । जस उपर छलफल गरि साधारण सभाले पारित गरेको छ ।

त्यस्तै लेखापरिक्षण प्रतिवेदन आर्थिक वर्षसहितको असार मसान्तसम्मको वासलात, नाफा नोक्सान तथा नगद प्रवाह सम्बन्धी अनुसूचीमाथि छलफल गरी पारित भएको छ । त्यस्तै, आर्थिक बर्ष २०७८/७९ को लेखापरिक्षण समितिको सिफारिस लेखापरिक्षकको नियुक्ति गर्ने र निजको पारिश्रमिक लगायतका एजेण्डा पारित गर्र्दै सभा सम्पन्न भएको छ ।

साथै उक्त साधारण सभाको सु-अवसरमा बिमा सेवा सबैको हातहातका भन्ने उद्देश्यसहित जीआइसी नेपाल नामक एप सञ्चालनमा ल्याएको छ ।

प्रकाशित समय : १६:४३ बजे