सरकारले राजस्व अनुसन्धान विभागका महानिर्देशक प्रकाश पौडेलको सरुवा गरेको छ । विभागबाट सरुवा गरेर पौडेललाई संघीय मामिला तथा सामान्य प्रशासन मन्त्रालयमा पठाइएको छ । विभागमा भने सहसचिव झलकराम अधिकारीलाई ल्याउने तयारी भएको प्रधानमन्त्री तथा मन्त्रिपरिषद कार्यालय स्रोतले बतायो ।

विभागमा विचाराधिन केही मुद्दामा राजनीतिक दवाव परेपछि उनी आफैं विभागबाट सरुवा हुन पहल गरेका थिए । त्यसपछि ८ महिनामै विभागको महानिर्देशक परिवर्तन गरिएको स्रोतको भनाइ छ ।

पौडेलको पालामा महान्यायाधीवक्ताको असहमतीको बाबजुद बोटलर्स नेपालको कर छली प्रकरणमा मुद्दा दायर भएको थियो । महानिर्देशक पौडेलले विभागबाट विदा हुनुअघि विज्ञप्ति जारी गरेर बहुराष्ट्रिय कम्पनीहरुको पुँजीगत लाभकर छली, नक्कली अन्तःशुल्क स्टिकर, क्रिप्टोकरेन्सी जस्ता कर छलीका विषयमा अनुसन्धान केन्द्रित गरिएको जनाए ।

उनले विभागमा संस्थागत सुधारका क्रममा डिजिटल फरेन्सिक ल्याबको समेत सहयोगमा अनुसन्धानलाई बलियो बनाउन खोजिएको दावी गरेका छन् ।

प्रकाशित समय : १५:१७ बजे