भारतमा बुधबार मध्यराति अर्थात २४ घण्टाको समयावधिमा थप ७ हजार २४० कोरोना संक्रमित भएका केन्द्रीय स्वास्थ्य र परिवार कल्याण मन्त्रालयले बिहीबार जानकारी दिएको छ । 

सोमबाार तुलना मंगलबार कोरोना संक्रमण ४१ प्रतिशतले वृद्धि भएको थियो । गत मंगलबारबाट महाराष्ट्र राज्यमा कोरोना संक्रमण वृद्धिदर बढेको पाइएको छ । बुधबार साँझसम्म महाराष्ट्रमा दैनिक संक्रमण दुई हजार ७०१ जनामा देखिएको थियो ।    
  
हाल भारतमा कोरोनाका सक्रिय संक्रमित सङ्ख्या ३२ हजार ८९८ रहेका छन् । सक्रिय संक्रमितको यो सङ्ख्या भारतमा हालसम्म भएका कोरोना संक्रमितको ०.०८ प्रतिशत भएको जनाइएको छ । 

बुधबार मध्यरातिसम्म अर्थात् २४ घण्टाको समयावधिमा तीन हजार ३९१ लाई कोरोना निको भएपछि कोरोनाबाट मुक्त भएकाको कुल सङ्ख्या चार करोड २६ लाख ४० हजार ३०१ पुगेको छ । अहिले निको हुने दर ९८.७१ प्रतिशत रहेको छ । 

भारतमा कोरोना सुरु भएदेखि हालसम्म कुल ८५ करोड ३८ लाख परीक्षण भएको छ ।

 भारतमा सन् २०२१ जनवरीदेखि राष्ट्रव्यापी खोप अभियान सुरु गरिएको थियो । सो समयदेखि हालसम्म एक अर्ब ९४ करोड ५९ लाख ८१ हजार ६९१ हजार खोप लगाइएको छ ।