अस्ट्रेलियाको सरकारले यस वर्षको बजेटअन्तर्गत नेपाललाई ३१.१ मिलियन डलर सहयोग दिने घोषणा गरेको छ । जुन नेपाल रुपैयाँअनुसार करिब २ अर्ब ८० करोड हो । नियमित रूपमा अस्ट्रेलियाले विकासोन्मुख देशलाई दिने यो सहयोग नेपालको सन्दर्भमा भने गत वर्षको तुलनामा झण्डै ११ मिलियन बढी हो ।

अस्ट्रेलियाका अर्थमन्त्री जोस फ्रयाडनबर्गद्वारा यसै साता प्रस्तुत बजेटमा नेपालले पाउने सहयोग गत वर्षको तुलनामा १५ लाख डलर बढी घोषणा गरेका हुन् । अस्ट्रेलियन सरकारको यस वर्षको नयाँ बजेट अनुरूप नेपाललाई द्विपक्षीय कार्यक्रमअन्तर्गत ९.१ मिलियन डलर र प्रत्यक्ष सहायता कार्यक्रमअन्तर्गत २२ मिलियन डलर विनियोजन गरिएको छ ।

अस्ट्रेलिया र नेपालबीचको ६० वर्षभन्दा लामो द्विपक्षीय सम्बन्धलाई अझ प्रगाढ बनाउने सन्दर्भमा नेपालको स्वास्थ्य सुरक्षा, स्थिरता, आर्थिक सुधारलगायत क्षेत्रमा दुई देश मिलेर काम गर्ने समेत बजेटमा उल्लेख गरिएको छ ।

प्रकाशित समय : १६:२५ बजे