नेपाल बैंक लिमिटेडले देशैभर वित्तीय साक्षरता कार्यक्रमहरु सञ्चालन गरि ग्लोबल मनि विक सम्पन्न गरेको छ । बैंकले देशका सम्पूर्ण व्यक्तिहरुमा वित्तीय सेवाको पहुँच पुर्‍याउने र हरेका वर्ग र क्षेत्रका मानिसहरुलाई वित्तीय चेतना प्रदान गरि वित्तीय सशक्तिकरण गर्ने उद्देश्यले सो कार्यक्रम संचालन गरेको जनाएको छ ।

ग्लोबल मनि विक २०२२ को थिम ‘बिल्ड योर फ्युचर, वि स्मार्ट अवाउट मनि’ र ग्लोबल मनि विक को स्थायी नारा ‘लर्न सेभ अर्न’ लाई सार्थक बनाउने प्रयास स्वरुप बैंकले वित्तीय साक्षरता कार्यक्रमहरु सञ्चालन गरेको जनाएको छ । बैंकका सात वटै प्रदेशअन्तर्गतका शाखाहरुले विद्यार्थी, महिला, किसान, उद्यमी लगायत समाजका विभिन्न बर्गका व्यक्तिहरु लाभान्वित हुने गरि विभिन्न प्रकृतिका वित्तीय साक्षरता कार्यक्रमहरु सञ्चालन गरेको जनाएको छ ।

बाग्मती प्रदेशअन्तर्गत १७, लुम्विनी प्रदेश अन्तर्गत २५, प्रदेश नम्बर १अन्तर्गत २३, मधेश प्रदेशअन्तर्गत १९, सुदुरपश्चिम र कर्णाली प्रदेशअन्तर्गत ३ वटा शाखामा गरि कुल ८७ वटा स्थानमा उक्त कार्यक्रम सञ्चालन गरिएको र ती कार्यक्रममा करिब ५००० सहभागी रहेका थिए । नेपाल बैंकले यस आर्थिक वर्षको योजना तथा कार्यक्रममा नै वित्तीय साक्षरतालाई बिशेष जोड दिएको र सोहि अनुरुप वित्तीय साक्षरता अभियान यो बर्षभरि नै सञ्चालन हुने बैंकले जनाएको छ । हालसम्म बैंकले आफ्ना १६० शाखाबाट करिब १५००० सहभागिलाई वित्तीय साक्षरता प्रदान गरिसकेको छ ।

प्रकाशित समय : १६:५१ बजे