एनआइसी एसिया बैंकले ‘न्यू प्रिमियम सुपर चमत्कारिक बचत खाता’ योजनामा उपलब्ध १० लाख रुपैयाँ बराबरको घातक रोग बिमा रकम खातावालालाई भुक्तानी गरेको छ ।

बैंकको काठमाडौंस्थित बत्तीसपुतली शाखामा न्यू प्रिमियम सुपर चमत्कारिक बचत योजना अन्तर्गतको ‘डायमण्ड श्रेणी’ को खाता खोलेका भीमसेनगोला बस्ने श्यामप्रसाद पन्तले उपचारका लागि १० लाख रुपैयाँ पाएको बैंकले जनाएको छ ।

३६ वर्षीय पन्तलाई बैंकका सहायक प्रमुख कार्यकारी अधिकृत सन्तोषकुमार राठीले उक्त रकम बराबरको चेक हस्तान्तरण गरे । बैंकका अनुसार पन्तलाई नेको इन्स्योरेन्ससँगको सहकार्यमा उक्त बिमा रकम भुक्तानी गरिएको हाे । बिमा सहितको बचत खाताअन्तर्गत हालसम्म देशभर सात सय जनाभन्दा बढीले बिमाबापत ४ करोड ३० लाख रुपैयाँभन्दा बढी रकम प्राप्त गरिसकेकाे बैंकले जनाएकाे छ ।

बैंकले ‘सर्वश्रेष्ठ बचत खाता’ योजनाको गुडविल एम्बेसडर श्रेणीअन्तर्गत ५ वर्षका लागि खातावाला एवं निजले मनोनित गरेका अन्य तीन जनाको प्रतिव्यक्ति २१ लाख रुपैयाँसम्मको गरी कुल ८४ लाख रुपैयाँसम्मको बिमा फाइदाको व्यवस्था गरेको जानकारी दिएको छ ।

बैंकले देशभर रहेका ३ सय ५८ शाखा कार्यालय, ४ सय ७३ एटीएम, ७६ वटा विस्तारित काउन्टर एवं ८१ वटा शाखारहित बैंकिङमार्फत बैंकिङ सेवा दिइरहेको छ ।

प्रकाशित समय : १८:०१ बजे