सत्ता गठबन्धनबाट बागमती प्रदेशका मुख्यमन्त्री बनेका नेकपा (एकीकृत समाजवादी)का नेता राजेन्द्रप्रसाद पाण्डे आज विश्वासको मत लिँदैछन् । त्यसका लागि दिउँसो ३ बजे प्रदेशसभाको बैठक बस्ने तय भएकाे छ ।

स्पष्ट बहुमत नरही नियुक्त भएका मुख्यमन्त्रीले ३० दिनभित्र प्रदेशसभाबाट विश्वासको मत लिनुपर्ने संवैधानिक प्रावधानअनुसार पाण्डेले विश्वासको मत लिन लागेका हुन् । उनी गठबन्धनका दल नेपाली कांग्रेस, माओवादी केन्द्र, र जनता समाजवादी पार्टी नेपालको समर्थनमा गत ११ कात्तिकमा मुख्यमन्त्रीमा नियुक्त भएका हुन् । हाल मुख्यमन्त्रीसहित चार सदस्यीय मन्त्रिमण्डल छ ।

१ सय ९ सिट रहेको प्रदेशसभामा बहुमतका लागि ५५ सांसद आवश्यक हुन्छ । गठबन्धनबाट मुख्यमन्त्री बनेका पाण्डेको पक्षमा ५९ जनाको हस्ताक्षर छ । एमालेको ४३, माओवादी केन्द्रको २३, कांग्रेसको २२, एकीकृत समाजवादीको १३, विवेकशील साझा पार्टीको तीन, नेमकिपा र राप्रपाको दुई/दुई तथा जसपाको एक सिट छ ।

प्रकाशित समय : १३:४७ बजे