विवेकशील साझा पार्टीको एकता महाधिवेशन स्थगित भएको छ । आगामी जेठ अन्तिम साता गर्ने महाधिवेशन गर्ने तयारी भइरहेको बेला महामारी तीव्र गतिमा फैलिएपछि स्थगित गरिएको प्रवक्ता शरदराज पाठकले जानकारी दिए ।

अइतबार एक विज्ञप्ति जारी गर्दै विवेकशील नेपाली दल र साझा पार्टीबीच गत वर्ष मंसिर २४ गते एकता गर्दा ६ महिनाभित्र एकीकृत पार्टीको महाधिवेशन गर्ने घोषणा गरेको थियो । तर, कोरोना फैलिएपछि भेला गर्न नमिल्ने भएर स्थगित गर्नु परेको उनले बताए ।

विज्ञप्तिमा भनिएको छ, 'परिस्थिति सहज बनेपछि अनुकूलता हेरेर केन्द्रीय समितिबाट महाधिवेशनको अर्को मिति तय गरिने छ । कोरोना कहरले सिर्जना गरेको यो परिस्थितिसँग जुध्न सरकारलाई सक्दो मद्दत गर्ने निर्णयसमेत गरेको छ ।'

प्रकाशित समय : २०:५४ बजे