जुम्लामा १८ दिनदेखि अनसनमा बसेका वरिष्ठ चिकित्सक गोविन्द केसीको स्वास्थ अवस्था जटिल भएको छ । सास फेर्न कठिन भएपछि डा. केसी अत्तालिन थालेको उपचारमा संलग्न चिकित्सकले जानकारी दिए ।

डा.केसीसँग वार्ता गर्न सरकारकाले वार्ता गर्न समिति गठन गरेपनि अहिलेसम्म औपचारिक वार्ता हुन सकेको छैन । डा.केसीका प्रतिनिधिसँग हिजो वार्ता भएपनि निष्कर्ष निस्कन सकेन । सरकारी टोलीले डा.केसीलाई काठमाडौं ल्याउनुपर्ने अडान राखेपछि मागका विषयमा छलफल हुन नसकेको डा. केसीका प्रतिनिधि अभिषेकराज सिंहले जानकारी दिए ।

सरकारी वार्ता टोलीले डा. केसीलाई उपचारको लागि काठमाडौ ल्याएपछि मात्र मागका विषयमा छलफल अगाडी बढाउने अडान लिएको छ । विगतका सहमति अनुसार चिकित्सा शिक्षा विधेयक नल्याएसम्म काठमाडौ नर्फिने अडानमा डा.केसी छन् ।

प्रकाशित समय : १३:४६ बजे