तत्कालीन माओवादीनिकट ‘मजदुर सहिद स्मृति उपभोक्ता सहकारी संस्था लिमिटेड’ले साना व्यवसायी स्वरोजगार कोषको कार्यालयबाट लिएको ऋण तिर्न नसक्दा विवाद चुलिएको छ । २०६८ सालमा लिएको ५ करोड रुपैयाँ अझै भुक्तानी गर्न नसक्दा पेरिसडाँडास्थित पार्टी कार्यालयसहितको जग्गा बेच्ने विषयमा विवाद चुलिएको हो । तत्कालिन माओवादी कार्यकर्तालेले आफ्नो व्यक्तिगत लालपुर्जा र नागरिकता दिएर ऋण लिएका थिए ।

युवा स्वरोजगार कोषबाट लिएको ऋण नेतृत्वको विश्वास गरेर संगठनलाई पैसा बुझाएको तर नेतृत्वले दुरुपयोग गरेर आफुहरुलाई ढुवाएको पीडितहरुको गुनासो छ । उनिहरु भन्छन्, ‘रकम तत्कालीन नेतृत्वले सामूहिक उद्यममा कम तर व्यक्तिगत प्रयोजन खर्च गर्दै दुरुपयोग गरेपछि उद्यम घाटामा गयो । घाटामा गएपछि उद्यम बन्द भयो । ऋण तिर्न पनि नसक्ने अवस्था आयो । अहिले ऋण तिरिदेउ भन्दन मान्दैनन्, जग्गा बेचौं भन्दा पनि मान्दैनन् ।’

सहकारी संस्था लिमिटेडले विभिन्न प्रयोजनका लागि ५ करोड ऋण लिएको थियो । सहकारीले ऋण लिँदा २०–२५ जनाको समूह बनाई समूहको प्रमुखको नाममा ऋण लिएका थिए । राजन तिमल्सिना, उषा देवकोटा र उनका भाइ जीवन देवकोटा, बाबुराम गौतम टिका प्रसाईं, भूपाल सापकोटा, कृष्ण अधिकारीले ऋण लिएका थिए ।

ललितपुरको गोदावरीमा खोलिएको बंगुर फार्म घाटामा गयो, विभिन्न ठाउँमा खोलिएका उपभोक्ता पसल डुब्यो र चाबहिलमा खोलएको जुत्ता फ्याक्ट्री अहिले पनि घाटामा चलिरहेको छ । जगत सिंखडा समुहले चलाएको पेट्रोल पम्पले भने ४० लाख चुक्त गर्न सफल भएको छ ।

मजदुरको नाममा प्रतिव्यक्ति २ लाखका दरमा लिईएको ऋण नेतृतवले अनियमितता गरेपछि उद्यम घाटामा गएको मजदुरहरुको गुनासो छ । अहिले ऋण नतिरेकोले आफुहरुको नाम कालो सुचीमा पर्न लाग्दा नेतृतवले बेवास्ता गरेको पीडित मजदुरहरु बताउँछन् ।

ऋण तिर्न हालको नेपाल कम्युनिस्ट पार्टी नेकपाको पेरिषडाँडास्थित कार्यालयको घरसहित २१ आना जग्गा समेत बेच्न केही नेताले दबाब दिँदै आएका छन् । तर केहीले बैकल्पिक उपाय अपनाएर ऋण तिर्नुपर्ने भन्दै पेरिसडाँडा बचाउँ अभियान समेत सुरु गरेका छन् । अखिल नेपाल ट्रेड यूनियन महासंघ अन्र्तगतका सबै पेशागत घटकका केन्द्रीय समिति पदाधिकारीहरुको बैठकले पेरिसडाँडाको जग्गा कुनै पनि हालतमा बेच्न नदिने भन्दै लबिङ गर्दै आएका छन् ।

पेरिसडाँडाको जग्गा अखिल नेपाल ट्रेड युनियन महासंघको नाममा छ । आफुहरुको नाममा रहेको जग्गा बेच्ने प्रक्रिया सुरु भएपछि ट्रेड युनियन महासंघका अध्यक्ष गणेश रेग्मी, उपाध्यक्ष जय कार्की तथा पूर्व उपाध्यक्ष बाबुराम गौतमले पेरिसडाँडा बचाउँ अभियान संचालन गरेका हुन् । महासंघका उपाध्यक्ष उषा देवकोटा, धनबहादुर विकलगायतले ‘पेरिसडाँडाको जग्गा बेचविखन गरि युवा स्वरोजगार लगायतको ऋण तिर्नु पर्छ’ भनि पेरिसडाँडा बेच्ने अभियान चलाएका थिए ।

बाबुराम भट्टराई प्रधानमन्त्री हुँदा राजनीतिक प्रभाबका आधारमा तत्कालीन मजदुर सङ्गठनले विभिन्न सातभन्दा बढी समूह बनाई ऋण लिएका थिए । झन्डै तीन सय माओबादी मजदुर कार्यकर्ताको नागरिकता तथा जग्गाको लालपुर्जा संकलन गरि उनिहरुको नमबाट लिएको यति ठूलो रकम कसरी डुब्यो ?’ आँफैमा अनौठो छ । चालु आर्थिक वर्षको अन्त्य अर्थात यो असार मसान्तभित्र ऋण तिर्न नसके कालो सुचीमा पर्ने छन् । नागरिकता बुझाएर ऋण लिने झन्डै तीन सय मजदुर कालो सूचीबाट उम्कन जग्गा बेचेर ऋण चुक्ता गर्न चाहन्छन ।

तर पेरिषडाडाको २१ आन जग्गा ३ टुक्रा गरी सहकारीका अध्यक्ष तथा महासंघका अध्यक्ष गणेश रेग्मी, उपाध्यक्ष जय कार्की तथा पूर्वउपाध्यक्ष बाबुराम गौतमको नाममा रहेकोले उनीहरुले जग्गा बेच्न नमानेपछि विवाद आएको हो । उद्यम डुबेको खण्डमा बेहोर्ने शर्त पहिलै भएको तर अहिले पालाना नगरेको पीडित रामचन्द्र कार्कीले बताए ।

प्रकाशित समय : २१:२३ बजे