नेपाल वायु सेवा निगमको २६७ सिट क्षमताको एयरबस त्रिभुवन अन्तर्राष्ट्रिय विमानस्थलमा अवतरण भएको छ । फ्रान्सको टुलुस सहरबाट अाएको एयरबस बिहीबार बिहान त्रिभुवन विमानस्थलमा अवतरण गरेको हो ।

युरोपेली कम्पनीले उत्पादन गरेको जहाज वायुसेवा निगमले अमेरिकाको एएआर कम्पनीसँग १२ अर्ब रुपैयाँमा खरिद गरेको हो । निगमलार्इ विमान खरिदका लागि सरकारी जमानीमा सञ्चय कोषबाट अाठ अर्ब कर्जा उपलब्ध भएको थियो ।

३३० र २०० सिरिजको यो विमानलाई ‘अन्नपूर्ण’ नाम दिइएको छ । नयाँ विमान यूएर्इको दुबई, हङकङ, कतारको दोहा, मलेसियाको क्वालालाम्पुरलगायतका स्थानमा उडाउने निगमको तयारी छ । निगमले अर्को वाइड बडी विमान पनि एक महिनाभित्रै अाइपुग्ने पर्यटनमन्त्री रवीन्द्र अधिकारीले जानकारी दिए । नयाँ जहाजको व्यावसायिक उडान भने अगस्ट १ बाट मात्र सुरू हुने उनले बताए । निगमले हाल दुर्इवटा एयरबस र एउटा बोइङले अन्तर्राष्ट्रिय उडान भर्दै अाएको छ ।

प्रकाशित समय : १५:४८ बजे