मोरङको सुन्दरहरैंचामा ट्रिप्परमाथि भएको आगजनीको विरोधमा विराटनगरमा ट्रिप्पर व्यवसायीले सडक अवरुद्ध पारेका छन् । माघ १४ गते सुन्दरहरैंचामा ट्रिप्परको ठक्करबाट बालिकाको मृत्यु भएपछि सातवटा ट्रिप्परमाथि भएको आगजनीको विरोधमा विराटनगरमा ट्रिप्पर व्यवसायी प्रदर्शनमा उत्रिएका हुन् ।

विराटचोक खोर्सानेबाट विरोध प्रदर्शन गर्दै आएका ट्रिप्पर व्यवसायीलाई प्रहरीले विराटनगर प्रवेशद्वारको ढाटमा रोकेपछि उनीहरुले करिब दुई सय ट्रिप्पर सडकमा तेर्स्याएका छन् । आगजनीको विरोधमा ट्रिप्पर व्यवसायीले क्षतिपुर्ति पाउनुपर्ने, दोषीलाई कारबाही हुनुपर्ने मागसहित आन्दोलनमा उत्रिएको पूर्वाञ्चल ट्रिप्पर व्यवसायी संघका कोषाध्यक्ष सन्दीपले सिंह बताए ।

प्रदर्शनीमा उत्रिएका व्यवसायीलाई प्रहरीले विराटनगर गेटमा रोकेपछि सडक अवरुद्ध पारेका हुन् । प्रहरीले रोकेपछि व्यवसायीले सडकमै ट्रिप्पर राखेर नाराबाजी गरिरहेका छन् । प्रहरीले बल प्रयोग गरी विरोध प्रदर्शन गर्न रोकेकाले व्यवसायीले सडक अवरुद्ध गरेका हुन् । माघ १४ गते ट्रिप्परको ठक्करबाट बालिका लक्ष्मी ढकालको मृत्यु भएपछि आक्रोशित स्थानीय वासिन्दाले सातवटा ट्रिप्परमा आगजनी गरेका थिए ।

प्रकाशित समय : २०:०६ बजे