काठमाडौ–प्रधानमन्त्री केपी शर्मा ओलीले आदित्य दाहालको प्रतिभा विज्ञानका लागि चुनौती भएको बताएका छन् ।
बालगुरु आदित्य दाहालको पुस्तक कलियुगको आदित्य एवं ज्योतिपथ पुस्तकको अंग्रजी संस्करण शनिबार विमोचन गर्दै प्रधानमन्त्री ओलीले उक्त कुरा बताएका हुन् । ज्ञान प्राप्तिका लागि स्रोत अनिवार्य भए पनि आदित्यले स्रोत बिना ज्ञान प्राप्त गर्नु अनौठो बिषय भएको प्रधानमन्त्री ओलीको भनाइ थियो । ‘ज्ञान प्राप्तिका लागि स्रोत अनिवार्य छ’ प्रधानमन्त्री ओलीले भने, ‘आदित्यसमा बिनास्रोतको ज्ञान प्राप्त भएको छ । विज्ञानका लागि आदित्यको यो क्षमता असाधारण चुनौति हो ।’
प्रधानमन्त्री ओलीले नेपाल देव भूमि, तपो भूमि र ज्ञान भूमि भएकाले आदित्य जस्ता प्रतिभावानहरुको यहाँ जन्म भएको बताए । प्रधानमन्त्री ओलीले विश्वका बैज्ञानिकहरुलाई आदित्यको स्रोत बिनाको ज्ञानका बारेमा अध्ययन गरेर निष्कर्ष दिन पनि आग्रह गरे ।

प्रकाशित समय : २३:०३ बजे