अस्ट्रेलियाले सिड्नीमा रहेका नेपालीलाई १० लाख डलर सहयोग गरेको छ । अस्ट्रेलियाका अध्यागमनमन्त्री डेभिड कोलम्यानले सिड्नीमा नेपाली सामुदायिक भवन निर्माणका लागि १० लाख डलर सहयोगको घोषणा गरेका हुन् ।

सिड्नी र गैरआवासीय नेपाली संघको ओसिनिया रिजनल सम्मेलनलाई शनिबार सम्बोधन गर्दै मन्त्री कोलम्यानले सो सहयोगको घोषणा गरे । उनले अस्ट्रेलियाको सबैभन्दा पुरानो संस्था नेप्लिज अस्ट्रेलियन एसोसिएसनमार्फत सो रकम सहयोग गर्नेछन् ।

सम्मेलनमा कानुनमन्त्री भानुभक्त ढकाल, अस्ट्रेलियाको संघीय सरकारका अध्यागमनमन्त्री कोल्म्यान, गैरआवासीय नेपाली संघका पूर्वअध्यक्ष शेष घलेलगायत विभिन्न दलका नेता एवं व्यवसायीको सहभागिता छ । ‘इन्भेस्टमेन्ट, इन्नोभेसन र टुरिजम’ मूल नारा राखिएको यो सम्मेलनमा विभिन्न बुद्धिजीबीहरुले कार्यपत्रहरु पेस गर्ने कार्यक्रम छ । ओसियाना सम्मेलन मे ११ र १२ सम्म चल्नेछ । अस्ट्रेलियासहित न्युजिल्यान्ड, पपुवा न्यु गिनी, भानुआटुलगायत देशमा बनेका एनआरएनका संगठनको नेतृत्व ओसियाना रिजनल समितिले गर्छ ।

प्रकाशित समय : २०:३० बजे