आज २०८३ साल असार १४ गते आइतबार (सन् २०२६ जुन २८ तारिख) जेठ शुक्ल पक्षको चतुर्दशी तिथि परेको छ। चन्द्रमाको राशिअनुसार १२ राशिका जातकका लागि आजको दिन मिश्रित रहने देखिएको छ। केही राशिलाई सफलता, आम्दानी र शुभ अवसर प्राप्त हुने संकेत छ भने केही राशिले स्वास्थ्य, खर्च तथा निर्णयमा विशेष सावधानी अपनाउनुपर्ने देखिएको छ।

मेष : दिन सामान्य रहनेछ। साना–साना कुराले काममा अवरोध ल्याउन सक्छन्। मनमा चिन्ता बढ्न सक्छ भने व्यापारमा लगानी गर्दा सावधानी अपनाउनु उचित हुनेछ। राजनीति र स्वास्थ्यका क्षेत्रमा भने सुधारका संकेत देखिएका छन्।

वृष : दिन शुभ रहनेछ। बनाएका योजना सफल हुनेछन्। राज्यको उच्च निकायमा जिम्मेवारी वा नियुक्तिको अवसर मिल्न सक्छ। राजनीतिक क्षेत्रमा प्रगति हुने सम्भावना छ।

मिथुन : दिन सामान्यतया राम्रो रहनेछ। काममा सफलता मिल्नेछ। बोलीमा मधुरता कायम राखे लाभ हुनेछ। स्वदेशभन्दा विदेशमा गरिएको लगानीबाट बढी फाइदा हुने संकेत छ।

कर्कट : दिन राम्रो रहनेछ। साथीभाइ र परिवारको साथ प्राप्त हुनेछ। शिक्षामा गरेको प्रयास सफल बन्नेछ। केही खर्च भए पनि सामाजिक चर्चा बढ्नेछ।

सिंह : दिन सामान्य रहनेछ। मन अशान्त रहन सक्छ। आफूभन्दा अनुभवी व्यक्तिको सल्लाह लिएर अघि बढ्नु राम्रो हुनेछ। अनावश्यक खर्च बढ्न सक्ने भएकाले सचेत रहनु आवश्यक छ।

कन्या : दिन शुभ रहनेछ। आम्दानी बढ्ने संकेत छ। विदेश यात्रा गर्ने योजना भए आजका लागि स्थगित गर्नु उपयुक्त हुनेछ। स्वदेशमै लगानीका राम्रो अवसर प्राप्त हुन सक्छन्।

तुला : आज धनलक्ष्मी योग परेको छ। परिवारसँगको सहकार्यमा गरिएको काम सफल हुनेछ। गुरुजनको साथ मिल्नेछ र कला क्षेत्रमा प्रशंसा प्राप्त हुनेछ। राजनीतिक क्षेत्रमा भने ठगीबाट सावधान रहनुपर्नेछ।

वृश्चिक : शिक्षाको क्षेत्रमा प्रगति हुनेछ। आफ्नै प्रयासले सफलता प्राप्त हुनेछ। परिवारको साथ र ठूला व्यक्तिको सहयोगले महत्त्वपूर्ण काम सम्पन्न हुने सम्भावना छ।

धनु : दिन सामान्य रहनेछ। काममा केही अवरोध आउन सक्छ। स्वास्थ्यमा समस्या देखिन सक्छ भने मन अशान्त रहन सक्छ। परिवारको साथ र सहयोग भने प्राप्त हुनेछ।

मकर : परिवारसँग घुमघामको अवसर मिल्नेछ। सञ्चित धन खर्च हुन सक्छ। शिक्षामा गरिएको लगानीबाट लाभ हुनेछ। विपक्षीसँग व्यवहार गर्दा संयमता अपनाउनु राम्रो हुनेछ।

कुम्भ : दिन शुभ रहनेछ। यात्राको योग छ। आम्दानीका नयाँ स्रोत फेला पर्नेछन्। बौद्धिक व्यक्तिसँगको भेटले नयाँ अवसर प्रदान गर्नेछ। श्रमको उचित मूल्य प्राप्त हुनेछ।

मीन : शिक्षामा गरेको लगानीबाट लाभ हुनेछ। बोल्दा सोचविचार गरेर बोल्नु उचित हुनेछ। स्वास्थ्यमा सुधार आउनेछ। परिवारको साथमा गरिएको काम सफल हुनेछ र मनमा उत्साह बढ्नेछ।

प्रकाशित समय : ०६:१० बजे