ढोरपाटन बागलुङ ।विपन्न वर्गका बालबालिकालाई पढाउन काठेखोला गाउँपालिका–२ भीमापोखराका सम्मरबहादुर थापाले स्थानीय मन्द्रीदेव माध्यमिक विद्यालयमा रु दुई लाख ५० हजारको अक्षयकोष स्थापना गरेका हुन । आफूले २०५४ सालमा स्थापना गरेको विद्यालयमा पढ्न आउने बालबालिका आर्थिक अभावका कारण बीचमा पढाइ छाड्न बाध्य हुननपरोस् भनेर अक्षयकोष खडा गरेको दाता थापाले राससलाई बताए । श्री थापा र उहाँका पाँच दाजुभाइले विद्यालयलाई दान गर्नुभएको एक रोपनी तीन आना जग्गामा विद्यालय निर्माण गरिएको छ । कक्षा एकदेखि आठसम्म अध्यायपन हुने उक्त विद्यालयमा ५२ जना विद्यार्थी अध्ययनरत छन् ।

प्रकाशित समय : १२:२२ बजे