रेड बुल नेपालले अर्को महिना भारत र श्रीलंकामा हुने आइसीसी टि२० विश्वकपलाई लक्षित गर्दै ‘यात्रा वर्ल्डकपको’ क्याम्पेन सुरु गरेको छ ।

फ्यानको क्यान अन्तर्गत रेड बुलले क्यानमा रहेको क्युआर कोड स्क्यान गरेपछि आउने प्रश्नको उत्तर दिएर कन्टेस्टमा सहभागी हुनेछन् । उत्तर दिनेमध्य केहि विजेतालाई विश्वकपको लागि लगिने रेड बुलले जनाएको छ । राजधानीमा एक कार्यक्रममाझ रेड बुल एथ्लिट कुशल भुर्तेलको उपस्थितिमा सो क्याम्पेन घोषणा गरिएको थियो ।

सोहि अवसरमा नयाँ क्याम्पेनको लोगो सार्वजनिक गर्नुका साथै यसअघिको क्याम्पेनको विजेता पनि छनोट गरिएको थियो । राष्ट्रिय टोलीका ओपनर कुशल भुर्तेलले गोलाप्रथाबाट दुई विजेता छनोट गरेका थिए । उक्त क्याम्पेनका विजेताहरु विनोद न्यौपाने र आर्यन सापकोटाले थाइल्याण्ड भ्रमण गर्ने भएका छन् ।

प्रकाशित समय : १२:२२ बजे