दशैंको रौनकसँगै पोखरा भरि चहलपहल बढ्न थालेको छ । चाडपर्व नजिकिँदै जाँदा बजारमा किनमेल गर्नेको भिड बढेको छ भने मुस्ताङ क्षेत्रबाट च्याङ्ग्रा र भेडा पोखरा भित्र्याउने क्रम पनि तीव्र भएको छ ।

मुस्ताङका विभिन्न गाउँहरूबाट व्यापारीहरूले च्याङ्ग्रा ल्याएर पोखराका विभिन्न स्थानमा बिक्री गर्न थालेका छन् । दशैंमा च्याङ्ग्राको मासु विशेष स्वादिष्ट मानिने भएकाले उपभोक्ताको आकर्षण पनि उत्तिकै छ ।

पोखराका स्थानीयवासी मात्र नभई आसपासका गाउँबस्तिबाट समेत दशैंको किनमेलका लागि मानिसहरू पोखरा झर्ने गर्दछन् । यसरी मुस्ताङबाट च्याङ्ग्रा भित्र्याउँदै, हरिचोकदेखि यम्दी क्षेत्रसम्म पोखरामा दशैंको पूर्ण रौनक देखिएको छ ।

प्रकाशित समय : ११:०६ बजे