टाटा समूहको एयरलाइन्स एयर इन्डिया एक्सप्रेसले १ जून २०२५ देखि काठमाडौं–बेङ्लुरु दैनिक प्रत्यक्ष उडान सुरु गरेको छ । यसले दुई छिमेकी देशहरूबीचको सम्बन्धलाई अझ प्रगाढ बनाउने कम्पनीको दाबी छ ।

एयर इन्डियाको बढ्दो सञ्जालमा काठमाडौं १७औँ अन्तर्राष्ट्रिय गन्तव्य र एयर इन्डिया एक्सप्रेसका लागि नेपालमा पहिलो स्टेसन बनेको छ ।

प्रायः भारतको सिलिकन उपत्यका भनेर चिनिने बेङ्लुरु देशका केही अग्रणी विश्वविद्यालयहरू, अस्पतालहरू, बहुराष्ट्रिय कम्पनीहरू र अनुसन्धान केन्द्रहरूको घर हो । यसको रमाइलो मौसम, बहुसांस्कृतिक वातावरण, र भारतभरका गन्तव्यहरूसँगको कनेक्टिभिटीको साथ, यो नेपालका विद्यार्थी, पेशेवर र चिकित्सा यात्रीहरूको लागि एक मनपर्ने शहर हो ।

दैनिक काठमाडौंमा सेवा सुरु भएको बारेमा टिप्पणी गर्दै एयर इन्डिया एक्सप्रेसका प्रबन्ध निर्देशक आलोक सिंहले भने, ‘हामी हाम्रो छिमेकी देश नेपालमा हाम्रो उपस्थिति विस्तार गर्न, गहिरो सांस्कृतिक र आर्थिक सम्बन्धलाई अझ बलियो बनाउन पाउँदा खुसी छौँ । यो नयाँ मार्गले मानिसहरू, कथाहरू र परम्पराहरूलाई नजिक ल्याउनेछ । साथै, यात्रालाई अझ सुलभ र अर्थपूर्ण बनाउने हाम्रो दृष्टिकोणलाई सुदृढ बनाउनेछ । यसले बैंकक र फुकेटजस्ता छोटो दूरीको अन्तर्राष्ट्रिय मनोरञ्जन गन्तव्यहरूमा हाम्रो हालैको विस्तारमा पनि मद्दत गर्दछ ।’

यो नयाँ उडानले काठमाडौंबाट बेङ्लुरुहुँदै चेन्नई, हैदरावाद, कोच्ची, तिरुवनन्तपुरम, गोवा र तिरुचिरापल्लीजस्ता अन्य भारतीय शहरहरूका साथै मध्यपूर्वका अबुधाबी र दम्मामसम्म एक स्टप पहुँच प्रदान गर्दछ ।

प्रकाशित समय : १९:४० बजे