गरिमा विकास बैंकले प्रकाशित गरेको चालु आर्थिक वर्षको तेस्रो त्रैमासको वित्तीय विवरण अनुसार बैंकको खुद नाफा ७.३२ प्रतिशतले बढेर ७३ करोड ३४ लाख रुपैयाँमा पुगेको छ । अघिल्लो वर्षको सोही अवधिमा बैंकले ६८ करोड ३४ लाख रुपैयाँ खुद नाफा कमाएको थियो ।

त्यस्तै बैंकको खुद ब्याज आम्दानी ६.०४ प्रतिशतले बढेर २ अर्ब ६६ करोड रुपैयाँमा पुगेको छ । सञ्चालन आम्दानी भने ७.५२ प्रतिशतले बढेर ३ अर्ब ७ करोड रुपैयाँमा पुगेको छ । इम्पेयरमेन्ट चार्ज ४२.८९ करोड रुपैयाँबाट बढेर ७१.६० करोड रुपैयाँमा आएको छ ।

खराब कर्जा अनुपात १.८१ प्रतिशतबिन्दुले बढेर ४.७८ प्रतिशत पुगेको छ । समीक्षा अवधिमा बैंकले ८ अर्ब ५७.८७ करोड रुपैयाँ निक्षेप संकलन गरी ६ अर्ब ९०.५४ करोड रुपैयाँ कर्जा प्रवाह गरेको छ । गरिमा विकास बैंकको चुक्ता पूँजी ५ अर्ब ६८ करोड रुपैयाँ रहेको छ भने जगेडा कोषमा २ अर्ब ६८ करोड रुपैयाँ सञ्चित छ । बैंकको प्रतिसेयर आम्दानी १ रुपैयाँ १८ पैसाले बढेर १७ रुपैयाँ २२ पैसामा पुगेको छ । यस्तै प्रतिसेयर नेटवर्थ १५३ रुपैयाँ ४७ पैसा रहेको छ ।

प्रकाशित समय : १४:४९ बजे