गृहपृष्ठ जुम्लाको गुठीचौरमा प्याराग्लाइडिङ महोत्सव हुँदै
जुम्लाको गुठीचौरमा प्याराग्लाइडिङ महोत्सव हुँदै
जुम्लाको गुठीचौर गाउँपालिकाको गुठीचौर उपत्यकामा प्याराग्लाइडिङ महोत्सवको आयोजना हुने भएको छ ।
गुठीचौरको पर्यटन प्रवर्द्धनको उद्देश्यले यही भदौ २५ देखि ३० गतेसम्म प्याराग्लाइडिङ महोत्सव आयोजना गर्न लागिएको गाउँपालिकाका अध्यक्ष दानबहादुर बुढाले जानकारी दिनुभयो । उहाँका अनुसार यसअघि प्याराग्लाइडिङको सफल परीक्षण भइसकेको छ ।
गुठीचौरको प्रचारप्रसार र पर्यटकीय गतिविधि बढाउनका लागि पालिकाले महोत्सव गर्न लागेको अध्यक्ष बुढाले बताउनुभयो । महोत्सवमा खुला पुरुष भलिबल प्रतियोगिता र खुला महिला देउडा प्रतियोगिता पनि आयोजना गर्न लागिएको छ ।
प्रकाशित समय : १२:०९ बजे
