सिन्धुलीमा यात्रु बस र मोटरसाइकल आपसमा ठोक्किँदा दुई जनाको मृत्यु भएको विरोधमा स्थानीय आन्दोलित भएका छन् ।

दुर्घटनापछि आक्रोशित स्थानीयको प्रदर्शनका कारण बीपी राजमार्ग अवरुद्ध भएको छ । स्थानीयले मोटरसाइकललाई ठक्कर दिएको बस जलाइदिएका छन् ।

बीपी राजमार्गअन्तर्गत सिन्धुलीको सुनकोशी गाउँपालिका–३ बोहोरेटारमा बस र मोटरसाइकल ठोक्किँदा दुई जनाको मृत्यु भएको हो ।

सोमबार बिहान ०१–००६ ख ४५९३ नम्बरको बस र विपरीत दिशामा रहेको बा ६० प ३५४५ नम्बरको मोटरसाइकल आपसमा ठोक्किँदा मोटरसाइकलमा सवार दुई जनाको मृत्यु भएको हो ।

मृत्यु हुनेमा मोटरसाइकल चालक रामेछापको मन्थली नगरपालिका–१३ बस्ने २४ वर्षीय रुपेश अधिकारी र खोटाङको दिक्तेल नगरपालिका–१० बस्ने १८ वर्षीया मुनाकला राई रहेको जिल्ला प्रहरी कार्यालय सिन्धुलीका प्रवक्ता चिरन्जीवी दाहालले जानकारी दिए ।

प्रकाशित समय : १२:१४ बजे