शेयर बजारमा देखिएको हरियाली एक दिन पनि टिक्न सकेन । अघिल्लो दिन ६ प्रतिशतले बढेर सकारात्मक सर्किटका साथ बन्द भएको शेयर बजार सोमबार भने दोहोरो अंकले ओरालो लागेको छ । अघिल्लो दिन १११ अंकले बढेको शेयर बजार आज १५ दशमलव ४० अंकले ओरालो लागेको हो ।

कारोबार हुने साताको दोस्रो दिन शेयर बजार परिसूचक घटेपनि कारोबार रकममा भने सुधार आएको छ । आजको कारोबार बन्द हुँदा शेयर बजारमा ४ अर्ब बढीको कारोबार भएको छ । सोमबारको कारोबार बन्द हुँदा शेयर बजार परिसूचक १९४८ दशमलव ५७ विन्दुमा पुगेको छ । आज ३०३ कम्पनीका १ करोड ४६ लाख ८ हजार ५१७ कित्ता शेयर १ लाख ९ हजार ९१८ पटक खरिद बिक्री भएको छ । जसबाट ४ अर्ब ८४ करोड २७ लाख ७४ हजार ३८६ रुपैयाँ बराबरको कारोबार भएको छ ।

त्यस्तै आज क वर्गका कम्पनीको मापक सेन्सेटिभ इन्डेक्स पनि ४ दशमलव ३३ अंकले घटेको छ । अघिल्लो कारोबार भन्दा १.६६ प्रतिशतले घटेको सेन्सेटिभ इन्डेक्स ३६९ दशमलव ४१ विन्दुमा पुगेको छ ।

प्रकाशित समय : १५:११ बजे