मंगलबार फ्रान्सको राजधानी पेरिसको उपनगरमा एक १७ वर्षीय किशोर नाहिल एमको प्रहरीद्वारा हत्यापछि फ्रान्समा हिंसात्मक विरोध प्रदर्शनले देशव्यापी रुप लिएको छ ।

ुकिशोरको मृत्यु अस्वीकार्य शोषणु भन्दै मंगलबार साँझदेखि सुरु भएको हिंसात्मक प्रदर्शनीका क्रममा पेरिस, लिल, लियोंन, दिजोँ, नतेयर, मासेई, क्लामा लगायतका सहरमा करिब साढे ५ सय भवन जलाइएको छ भने ८ सय जति सवारी साधनमा आगजनी गरिएको छ ।

प्रदर्शनका क्रममा करिब २४० जना प्रहरी घाइते भएका छन् भने ८७५ भन्दा बढीलाई पक्राउ गरिएको ग्रिहमन्त्री जेरार्ड डार्मानिनले शुक्रबार दिउँसो सञ्चारमाध्यमलाई बताएका छन् ।

नाहेल एम भनेर चिनिने १७ वर्षीय किशोरलाई मंगलबार बिहान पेरिस उपनगर नँतेयरमा एक प्रहरी अधिकारीले ट्राफिक नियम उल्लंघन गरेको आरोपमा गोली हानेका थिए ।

प्रहरीले सुरुमा नाहेलले प्रहरीलाई कार चलाउँदै आएर गोली हानेको रिपोर्ट गरेको थियो । तर घटनाको सत्यतथ्य नियाल्न जाँच गरिएको भिडियोले त्यसलाई गलत साबित गरिदिएको थियो । सुस्त गतिमा गाडी हाँकेर रोकिन लागेका पीडितले रोकिनुअघि गाडी कुदाएपछि प्रहरी अफिसरले फायर गरेको भिडियोमा देखिएको बताइएको छ ।

१७ वर्षीय किशोरलाई प्रहरीले नै हत्या गरेको भन्दै फ्रान्सको राजधानी र अन्य सहरहरूमा तीन रातसम्म हिंसात्मक अशान्ति फैलाएको छ । तीन दिन देखि नै प्रदर्शनकारीहरूको प्रहरीसँग झडप भएको छ । नाहेललाई गोली प्रहार गर्नुको कारण पनि प्रहरी आप्रवासीप्रति क्रुर बनेको आरोप प्रदर्शनकारीहरुले लगाएका छन् ।

फ्रान्सका दर्जन भन्दा बढी सहरमा हिंसात्मक प्रदर्शनी भएपछि करिब ४० हजार राष्ट्रिय प्रहरीका साथ केही नगर प्रहरी, पारा मिलिटरी र आतंककारी विरुद्ध लड्ने अत्याधुनिक हतियार र ट्यांकले सुसज्जित केही अर्ध सैनिक बल ९बीआरआई० समेत विभिन्न सहरमा परिचालित गरिएको छ ।

युरोपेली राजधानी भनेर चिनिने बेल्जियमको ब्रसेल्समा रहेका फ्रान्सका राष्ट्रपति इमानुएल म्याक्रोन फ्रान्समा हिंसात्मक घटनाहरु बढेपछि हतारमा फर्किएर शुक्रबार मन्त्रिपरिषद्‍को आकस्मिक बैठकमा सरिक भएका थिए । मन्त्रिपरिषद्‍को बैठकपछि प्रहरीद्वारा एक किशोरको हत्यापछि देशव्यापी अशान्तिलाई नियन्त्रण गर्न थप सुरक्षा बलहरू तैनाथ गरिने म्याक्रोनले बताएका छन् ।

दर्जनौं बस, ट्राम, निजी र अन्य सरकारी गाडीहरुमा आगजनी गरेपछि पेरिस महानगरपालिकाले दैनिक राति ९ बजेदेखि बस, ट्राम सेवाहरू बन्द गर्ने भएको छ ।

पेरिस क्षेत्रमा बस र ट्राम सेवाहरू अर्को सूचना नभएसम्म प्रत्येक राति ९ बजे रोकिने क्षेत्रीय यातायात प्राधिकरण आईडीएफएमले बताएको हो ।

प्रकाशित समय : ०७:११ बजे