नेपाल लाइफ इन्स्योरेन्स कम्पनीले २२ वर्ष पूरा गरेर २३ वर्षमा प्रवेश गरेको अवसरमा क्यासब्याक अफर सार्वजनिक गरेको छ ।

यस अफरअन्तर्गत वैशाख महिनाभर बिमा शुल्कको नविकरण ई-सेवामार्फत भुक्तानी गर्ने ग्राहकले पाँच प्रतिशत वा २३० रुपैयाँसम्मको क्यासब्याक प्राप्त गर्न सक्नेछन् ।

सूचना प्रविधिको विकास क्रमसँग ग्राहक तथा अभिकर्ताहरूलाई साक्षात्कार गराउने अभिप्रायका साथ यो अफर सञ्चालनमा ल्याइएको बताइएको छ । नेपाल लाइफले बिमाशुल्क नवीकरणका लागि विभिन्न भुक्तानी सेवा प्रदायकहरू ई-सेवा, खल्ती, फोन पे, कनेक्ट आइपीएस, आइएमई-पे र प्रभु-पेसँग सम्झौता गरेको छ ।

घरबाट नै सहज र सरल तरिकाले प्रिमियम तिर्दा समयको बचत हुनुको साथ साथै कारोबार सुरक्षित समेत हुने कम्पनीका प्रमुख कार्यकारी अधिकृत प्रविणरमण पराजुलीले बताए ।

प्रकाशित समय : १४:२८ बजे