राष्ट्रिय शैक्षिक परार्मश संघ (नेका)मा नयाँ कार्यसमिति चयन भएको छ । नेकाको चौंथो वार्षिक साधारण सभाले सन्तोष प्याकुरेलकाे अध्यक्षतामा १५ सदस्यीय कार्यसमिति चयन गरेकाे हाे ।

कार्यसमितिकाे उपाध्यक्षमा भुपेन्द्र सिटौला र रमण कोइराला, महासचिवमा दिपक कोइराला, सचिवमा प्रद्युम्न बोगटी र सुभेन्द्र थापा, कोषाध्यक्षमा रविन्द्र थापा र सदस्यहरूमा सुर्य पोख्रेल, प्रतिक्षा श्रेष्ठ, त्रिलोचन अधिकारी, कमला बस्नेत, ध्रुव थापा, केशव शिंखडा र अशोक भण्डारी चयन भएका छन् ।

साधारण सभाको प्रमुख अथिति नेपालको लागि अष्ट्रेलियन राजदुत फेलिसिटी भोल्क, अथितिहरूमा नेपाल अभिभावक महांसंघका अध्यक्ष सुप्रभात भण्डारी, ब्रिटिस काउन्सिलका प्रतिनिधि, आईडीपी आईईएलटीएसका प्रतिनिधिलगायत विभिन्न शैक्षिक परामर्श संघका प्रतिनिधिहरू थिए ।

अध्यक्ष प्याकुरेलले विदेशमा अध्ययन गर्न जाने विद्यार्थीहरूको लागि नीति नियममा बसेर उचित परामर्श नेकाले दिने प्रतिवद्धता जनाए । उनका अनुसार वार्षिक कार्ययोजना बनाउन आगामी हप्ता नेकाकाे रणनैतिक बैठक बस्ने तय भएकाे छ ।

गत शुक्रबार सम्पन्न साधारण सभाले वार्षिक प्रगति प्रतिवेदन, वार्षिक आर्थिक प्रतिवेदन र आगामी कार्य योजना बहुमतले पारित गरेकाे छ । नेका शैक्षिक परामर्श संस्थाहरूको छाता संगठन हो । नेकामा करिब १२५ शैक्षिक परामर्श व्यवसायी आवद्ध छन् ।

प्रकाशित समय : १४:०२ बजे