धनकुटा महोत्सवमा भागदौड हुँदा कम्तीमा २० जना घाइते भएका छन् । शनिबार साँझ महोत्सवमा प्रमोद खरेलको प्रस्तुति हुनैलाग्दा भागदौड मच्चिएको हो ।

करिब ३ हजार क्षमता रहेको धनकुटा बजारको टुँडिखेलमा दोब्बर दर्शकको भिड रहेको थियो । महोत्सवमा सांगीतिक प्रस्तुति हुने क्रममा ठेलमठेल भएको र घाइते हुनेहरूमा केही बालबालबालिका पनि रहेको स्थानीयले बताए । घाइतेहरूलाई धनकुटा अस्पताल र धरानस्थित बीपी कोइराला स्वास्थ्य विज्ञान प्रतिस्ठानमा उपचारका लागि पठाइएको स्थानीय प्रशासनले जनाएकाे छ ।

धेरै भिड भएको बेला बन्द गेटको ढोका खोल्दा ठेलमठेल भएको जनाइएको छ । घटनापछि तत्काल महोत्सव सञ्चालनमा रोक लगाइएको निमित्त प्रमुख जिल्ला अधिकारी ममता अधिकारीले बताइन् ।

माघ ६ गते सुरु भएको महोत्सवमा शनिबार गायक खरेलको प्रस्तुति थियो ।

प्रकाशित समय : ०७:४३ बजे