सामसङले ‘सामसङ ग्यालेक्सी ए०४’ समार्टफाेन सार्वजनिक गर्ने तयारी गरेको छ ।

सामसङले फ्यागशिप फोनदेखि इन्ट्री लेभलका उत्पादनहरू सम्मका सबै फोनहरूमा सधैं ग्राहकहरूको लागि केही नयाँ आकर्षक फिचर्स ल्याइरहेको छ । यो वर्ष सामङले आफ्नो मिड रेन्ज र फ्यागशिप फोनहरू सार्वजनिक गरेसँगै अब चाडै नै नेपाली बजारमा नयाँ ग्यालेक्सी ए०४ ल्याउने तयारी गरिरहेको छ ।

यो स्मार्ट फोन सार्वजनिक हुने खबरले नेपाली बजारमा चर्चा पाइरहेको र चाँडै नै नेपाली बजारमा प्रवेश हुने अनुमान भइरहेको छ । यसको मुख्य आकर्षणमा ५० एमपी क्यामरा रहेको छ । युवा प्रयोगकर्ताहरूलाई यसले आफ्ना बहुमूल्य र उत्कृष्ट पलहरू हाइ क्वालिटीमा क्याप्चर गर्ने बताइएको छ ।

यसको अर्को विषेशता भनेको यसको मूल्य रहेको छ । सामसङले हरेक मूल्य दायरामा केही उत्कृष्ट उत्पादनहरू ल्याउँदै आएको छ । यस नयाँ ग्यालेक्सी ए०४ स्मार्टफोन पनि सामसङ लाइनअपको एक उत्कृष्ट फोनको रूपमा चिनिने अपेक्षा कम्पनीले राखेको छ ।

प्रकाशित समय : १७:३८ बजे