ईभी नेपाल मोटर्स प्रालिले ‘लेभनिङको सफर दसैँ तिहारमा डबल अफर’ भन्ने स्किम सञ्चालनमा ल्याएको छ । कम्पनीले लेभ्निङ ब्रान्डको इलेक्ट्रिक स्कुटरमा दसैँ अफर ल्याएको हो ।

यस स्किममा घरमै बसेर एसएमएस EVNEPAL<space>1111 and send it to 35001 बाट १ लाखसम्म छुट पाउन सकिने छ भने शोरुम गएर शोरुमले दिएको कोडमा एसएमएस गरेर फेरि छुट पाउन सकिनेछ ।

यसमा २ पटक एसएमएसमार्फत डबल छुट पाउन सकिनेछ । जसमा ७ हजारदेखि ५ लाखसम्म छुट रकम म्यासेजमा आउने छ र म्यासेजमा आएको रकम हेरेर स्कुटर किन्दा कम्पनीले छुट दिनेछ ।

यसका साथै नबिल बैंकको शून्य प्रतिशत ब्याजदरमा सो स्कुटर किन्न सकिने छ र कुनै पनि पेट्रोल बाइकसँग सजिलै एक्सचेन्ज हुनेछ । यो स्कुटर जर्मन कम्पनीको Bosch को मोटर्स प्रयोग गरिएको स्कुटर हो । फुल चार्जमा राम्रो माइलेज दिने हुनाले ग्राहकको माग बढदो छ । लेभ्लिंग इलेक्ट्रिक स्कुटर चढेपछि खर्चको बचत हुने, पेट्रोल हाल्न नपर्ने, सर्भिस र पार्टसमा खर्च नहुने, वातावरण स्वच्छ हुने हुनाले कम्पनीले यो दसैँ स्किम लागू गरेको हो ।

यो योजना सुरू भइसकेको र नजिकको लेभ्निङ इलेक्ट्रिक स्कुटरको शोरुममा सम्पर्क गर्न सकिने कम्पनीले जनाएको छ । नेपाली बजारमा सबै रेन्ज भएको र राम्रो ब्राण्डको रुपमा लेभ्लिंग स्कुटरलाई चिनिन्छ । कम्पनीका अनुसार हाल एलएक्स०१, एलएक्स०२, एलएक्स०४, एलएक्स०५, एलएक्स०५–डी, एलएक्स०६, एलएक्स०६ म्याक्स, एलएक्स०८, एलएस०१ र एम०४ मोडलका स्कुटर उपलब्ध छन् । यी स्कुटरको मूल्य १ लाख १० हजारदेखि ५ लाख ५९ हजार रुपैयाँसम्म रहेको छ ।

प्रकाशित समय : १३:०१ बजे