महाअभियोग सिफारिस समितिले निलम्बित प्रधानन्यायाधीश चोलेन्द्र शमशेर राणालाई भदौ १५ गते बिहान ११ बजे सोधपुछका लागि बोलाउने निर्णय गरेको छ ।

बुधबार बसेको समितिको बैठकले भदौ २० गतेभित्र छानबिन सक्ने गरी कार्यतालिका बनाउँदै राणलाई १५ गते बोलाउने निर्णय गरेको समितिका जेष्ठ सदस्य रामबहादुर बिष्टले जानकारी दिए ।

आजको बैठकले समितिको कार्यविधि र कार्यतालिका समेत टुंग्याएको छ । प्रमुख प्रतिपक्षी दल एमालेको विरोधका कारण १२ दिनभित्रै छानबिन सक्ने गरी समितिले कार्यतालिका बनाएको हो । कार्यतालिकाअनुसार भदाैं ९ देखि १२ गतेसम्म प्रमाण संकलन गर्ने निर्णय भएको छ ।

गत फागुन १ गते सत्ता पक्षका ९७ जना सांसदले राणाविरुद्ध २१ बुँदे आरोप लगाउँदै महाअभियोग दर्ता गरेका थिए । महाअभियोग दर्तासँगै राणा निलम्बित अवस्थामा छन् ।

प्रकाशित समय : १६:५० बजे