लक्ष्मी क्यापिटलको ‘खुलामुखी म्युचुअल फन्ड’ मा आवेदन दिने बिहीबार (आज) अन्तिम दिन रहेको छ ।

क्यापिटलले साउन १९ गतेदेखि ‘शुभ लक्ष्मी कोष’ को कुल ५ करोड इकाई निष्कासन गरेको थियो । जसमध्ये ७५ लाख इकाई वा कुल बिक्री भएको इकाईको १५ प्रतिशत विज पुँजीवापत कोष प्रवर्द्धक लक्ष्मी बैंकलाई सुरक्षित गरिएको छ ।

यस्तै, बाँकी ४ करोड ७५ लाख इकाईमध्ये पहिलो चरणमा सर्वसाधारणका लागि १ करोड ७५ लाख इकाई बिक्री खुला गरिएको लक्ष्मी क्यापिटलले जनाएको छ ।

त्यसैगरी, प्रतिइकाई १० रुपैयाँको दरले आवेदन दिन सकिनेछ । न्यूनतम १०० इकाईदेखि अधिकतम ५० लाख इकाईसम्म आवेदन दिन पाउने व्यवस्था रहेको छ । आज कार्यालय समयसम्म मात्र यसमा आवेदन दिन सकिने क्यापिटलले जनाएको छ ।

प्रकाशित समय : १३:३४ बजे