सत्ता गठबन्धनको नेतृत्वकर्ता नेपाली कांग्रेसले नागरिकता विद्येयकका विषयमा विज्ञसँग छलफल गर्ने भएको छ । बिहान ९ बजे कांग्रेसले संसदीय दलको कार्यालयमा कानुन विज्ञहरूलाई बोलाएर छलफल गर्न थालेको हो ।

विद्येयकमा राष्ट्रपतिले राखेको धारणा तथा एमालेले उठाएका सवालका विषयमा छलफल गर्न लागिएको हो ।

राष्ट्रपति विद्यादेवी भण्डारीले नागरिकता विद्येयक फिर्ता गरेपछि राष्ट्रियतासँग जोडेर कांग्रेसमाथि टिकाटिप्पणी भए पनि कांग्रेस मौन थियो ।

अब भने कांग्रेसले अन्य राजनीतिक दल तथा विज्ञहरुसँग छलफल गरी आफ्नो औपचारिक धारणा सार्वजनिक गर्ने तयारी गरेको छ । यता आजै संसदबाट विद्येयकलाई पुनः जस्ताको त्यस्तै पारित गर्ने तयारी गरिएको छ ।

प्रकाशित समय : ०७:५९ बजे