विश्वको अग्रणी स्मार्टफोन ब्राण्ड भिभोले वाई सिरिजअन्तर्गत नयाँ स्मार्टफोन ‘भिभो वाई १५ सी’ नेपाली बजारमा सार्वजनिक गरेको छ ।

यस्तै, ‘वाई १५ सी’ को लन्चसंगै भिभोले युवालाई प्रचूर विशेषताहरु भएको स्मार्टफोन र विभिन्न मूल्य दायरामा अर्थपूर्ण नवीनता प्रदान गर्ने आफ्नो दृष्टिकोणलाई अगाडि बढाएको हो ।

सिमलेस अनुभव सुनिश्चित गर्नका लागि ‘वाई १५ सी’ मा ६.५१ इन्चको हेलो फुलभ्यू डिस्प्लेसहित आई प्रोटेक्सन समावेश गरिएको छ । युवा प्रयोगकर्ताहरुको जीवनशैलीसंग मिल्ने र दिनभरी निर्बोधरुपमा चलिरहने शक्तिशाली ह्यान्डसेट चाहने युवा र ‘अन द गो’ उपभोक्ताको जीवनशैलीअनुरूप ‘वाई १५ सी’ लाई डिजाइन गरिएको कम्पनीले जनाएको छ ।

भिभो नेपालका सीईओ माइकलले भने, ‘युवा उपभोक्ताहरूलाई लक्षित गरी भिभोको वाई सिरिजले बजारमा आफूलाई नेपालको सबैभन्दा लोकप्रिय स्मार्टफोन लाइन-अपको रूपमा स्थापित गरेको छ । वाई शृङ्खलाका स्मार्टफोनहरू ‘अन द गो’ मिलिनेअलको बढ्दो आवश्यकतालाई ध्यानमा राखेर डिजाइन गरिएको हो । उत्कृष्ट ५००० एमएएच ब्याट्रीले सु-सज्जित, हालै लन्च गरिएको ‘वाई १५ सी’ सधैं अमूल्य साथि साबित हुनेछ । यो स्मार्टफोनको अन्य उल्लेखनीय सुविधाहरूमा साइड-माउन्टेड फिंगरप्रिन्ट स्क्यानर, शक्तिशाली एआई डुअल क्यामेरा र स्टाइलिश डिजाइन समावेश छ ।’

साथै, भिभो ‘वाई १५ सी’ मा उत्कृष्ट क्लिकका लागि नयाँ युगको क्यामेरा, लामो समयसम्म टिक्ने शक्तिशाली ब्याट्री, इमर्सिभ प्रदर्शन र स्टाइलिश डिजाइन, आकर्षक रंगहरू तथा विशेषताहरु रहेको कम्पनीले जनाएको छ ।

प्रकाशित समय : १२:५३ बजे